Агляды дзяржаўнай лясной аховы.
У мэтах падрыхтоўкі да пажаранебяспечнага перыяду 2021 года ў пачатку вясны 2021 года ў дзяржаўнай лесагаспадарчай установе «Бягомльскі лясгас» пройшлі агляды дзяржаўнай лясной аховы Рэспублікі Беларусь.
Асноўнай задачай аглядаў з'яўляецца павышэнне эфектыўнасці дзейнасці службовых асоб дзяржаўнай лясной аховы, адказнасці і дзелавых якасцяў, узорнага выканання службовых абавязкаў, у першую чаргу леснікоў, майстроў лесу, памочнікаў ляснічых, ляснічых.
У ходзе агляду асаблівая ўвага надаецца прафесійнай кваліфікацыі, веданню службовых абавязкаў, прадстаўленых паўнамоцтваў і правоў; ўкамплектаванасці штатнай колькасці службовых асоб дзяржаўнай лясной аховы; забяспечанасці форменным адзеннем; наяўнасці пасведчанняў асоб дзяржаўнай лясной аховы Рэспублікі Беларусь устаноўленага ўзору, а таксама наяўнасці неабходных для выканання службовых абавязкаў дакументаў.
Таксама ў ходзе падрыхтоўкі да новага пажаранебяспечнага перыяду 2020 года правяраўся стан пажарна-назіральных вышак, сродкаў відэаназірання і радыёсувязі, пунктаў захоўвання супрацьпажарнага інвентару, гатоўнасць сіл і сродкаў пажаратушэння да выканання задач па забеспячэнню пажарнай бяспекі ў лясах i тушэнню пажараў.
У Бягомльскім лясгасе вялікая ўвага надаецца пытанням аховы і абароны лесу. З мэтай абароны лясоў ад пажараў у 2020 годзе на тэрыторыі лясгаса створана 636 км мінералізаваных палос. Выраблены ўход за імі на агульнай плошчы 1202 км, а таксама зроблены рамонт 49 км дарог супрацьпажарнага прызначэння.
У Бягомльскім лясгасе маецца 4 пажарна-назіральныя вышкі: у Бягомльскім, Прудніцкім, Вітуніцкім, Параф'янаўскім лясніцтвах. На ўсіх вышках ўстаноўлены сістэмы відэаназірання за лесам. Радыус дзеяння іх складае не менш 25 км.
Вядзецца пастаяннае патруляванне лясоў леснікамі на матацыклах і роварах, акрамя гэтага вядзецца авіяпатруляванне. Штодня задзейнічана на патруляванні каля 60 чалавек лясной аховы. У залежнасці ад умоў надвор'я вядзецца дзяжурства ў адміністрацыйных будынках лясніцтваў і лясгасе. Дзяжурным пастаянна падтрымліваецца сувязь з дзяжурным РАНС.
Для ліквідацыі лясных пажараў маюцца:
5 пажарных аўтамабіляў (з іх 3 спецыяльных пажарных аўтамабіля),
5 установак высокага ціску,ёмкасцю 500 літраў,
3 паветранадзімалкі Штыль,
16 матапомп (тым ліку 5 гразевых матапомп)
каля 4000 м пажарных рукавоў,
8 пажарных модуляў (уключае ў сябе ёмкасць для вады РЖТ, трактар "Беларус", матапомпа Хонда),
150 ранцавых лясных вогнетушыцеляў,
каля 300 рыдлёвак,
8 плугоў АЛ-70 для апашки ачагоў, а таксама адзін Л-134.
Барацьбу з лесапарушэннямі вядзе дзяржаўная лясная ахова ў колькасці 105 чалавек.
Для спынення парушэнняў прыродаахоўнага заканадаўства лясгасам праводзяцца рэйдавыя мерапрыемствы, таксама сумесныя з міжраённай інспекцыяй па ахове жывёльнага і расліннага свету, інспекцыяй прыродных рэсурсаў і аховы навакольнага асяроддзя, МУС, МНС.
У 2020 годзе лясгасам усяго сабрана 47,2 куб. метраў смецця на агульнай плошчы 43,2 га, у тым ліку выяўлена 5 несанкцыянаваных звалак, з якіх ўбрана больш за 7 куб. метраў бытавога смецця.